Биз менен байланыш учун

Жаңылыктар

Миллиондор. Ноокатта айыл өкмөттүн өкүлдөрү кызмат абалдарынан пайдаланышкан

Маалымат

Ноокатта айыл өкмөттүн өкүлдөрү кызмат абалдарынан пайдаланышкан. Бул тууралуу Финансы полициясынын басма сөз кызматы билдирди.


Маалыматка ылайык, Ноокат районунун айыл өкмөттөрүнүн биринин жооптуу адамдары курулуш материалдарын сатып алуу үчүн “Б.С.” ЖЧКсы менен 1 миллион сомго жакын суммага келишим түзүп, андан кийин келишимдин шарттарын бузуу менен кызматтык абалынан кыянаттык менен пайдаланып, жалган кабыл алуу-өткөрүү актысын түзүшкөн жана аталган акча каражаттарын ЖЧКнын эсептик эсебине материалдарды иш жүзүндө албай туруп которушкандыгы аныкталды.


«Бул факт боюнча ЭККМКнын Ош облусу боюнча тергөө башкармалыгы тарабынан Кыргыз Республикасынын Жазык кодексинин 320-беренеси (кызмат абалынан кыянаттык менен пайдалануу) менен каралган кылмыш белгилери боюнча кылмыш иши козголгон. Учурда, айыл өкмөтүнүн жооптуу кызматкерлерин жоопко тартууга, ошондой эле мамлекеттин бюджетине келтирилген акчалай зыяндын ордун толтурууга багытталган тиешелүү иш-чаралар жүргүзүлүп жатат», — деп берилет маалыматта.

Окууну улантуу
Комментарий беруу

Комментарии калтырып чыгуу

Ваш адрес email не будет опубликован.

Реклама

Акыркы жанылыктар