АКШнын Техас штатынын батышында жүк ташуучу унаа фургонду сүзүп, анын кесепетинен 9 адам каза болгон. Рулду 13 жашар бала башкарган. Бул тууралуу Москва 24 басылмасы жазып чыкты.
Маалыматка ылайык, кырсык 17-март күнү болуп, жүк ташуучу унаа менен фургон сүзүшкөн. Кагылышуу катуу ылдамдыкта болгон. Жүк ташуучу унаада 13 жашар бала менен бирге дагы бир киши болгон. Фургондо Түштүк-Батыш университетинин гольф боюнча командасы жана алардын машыктыруучусу мелдештен кайтып келе жатышкан.
Алдын ала маалыматтар боюнча, фургондун алдыңкы сол дөңгөлөгү кырсыкка чейин жарылып кеткен. Кырсыктын кесепетинен 9 адам каза болуп, 2 жаран оор абалда ооруканага жеткирилген.
Учурда окуянын чоо-жайы иликтенүүдө.
