Бишкекте милиция кызматкерлери тарабынан уурулукка шектелген жаран кармалды. Бул тууралуу Свердлов РИИБден билдиришти.
Маалыматка караганда, Свердлов РИИБге жаран арыз менен кайрылып, 22-февралда саат 03:20 чамасында телефон дүкөндөрүнүн бириндеги бутиктен жашыруун түрдө Айфон маркасындагы 14 телефонду, 8 Редми үлгүсүндөгү, 3 Самсунг үлгүсүндөгү телефондорун жана бир ноутбукту уурдап кетишкенин айткан.
Факты милицияга каттоого алынып, Жазык кодексинин 205-беренеси (уурулук) менен кылмыш иши козголгон.
Кылмышка шектелип, 2000-жылы туулган жигит кармалып, убактылуу кармоочу жайга киргизилген. Тергөө уланууда.
