Каракол шаарында уурулук жана пара берүү фактысы боюнча жаран кармалды. Бул тууралуу Каракол ШИИБдин басма сөз кызматы билдирди.
9-октябрда милицияга шаар тургуну кайрылып, белгисиз адам анын үйүнө кирип жүз миң сом өлчөмүндөгү акчасын уурдап кеткендигин билдирген.
Жүргүзүлгөн тергөө иш-чараларынын жүрүшүндө 1975-жылы туулган Н.Е. аттуу жаран шектүү катары кармалган. Ал сурак учурунда уурдалган акчаны өз огородуна көмүп койгонун моюнга алган.
Мындан тышкары, кылмыш иши боюнча жоопкерчиликтен бошотулуу максатында милицияга 50 миң сом өлчөмүндө пара сунуштаган. Аталган жаран 14 500 сом пара берип жаткан учурда кармалган.
Посмотреть эту публикацию в Instagram
