Кыргызстандык таэквондочу Азамат Мавлонов Япониянын Токио шаарында өтүп жаткан XXV Жайкы Сурдлимпиада оюндарында коло медалга ээ болду.
Дене тарбия жана спорт мамлекеттик агенттигинен билдиришкендей, ал 80 кг чейинки салмак категориясында күч сынашып, үч беттеш өткөрдү.
Спортчу алгачкы эле беттешинде Түштүк Кореянын күчтүү спортчусу Чо Сангуга жеңилип калган. Бирок, кореялык спортчунун финалга чыгышы анын көңүл жубатуучу беттеште күрөшүүсүнө мүмкүнчүлүк түздү. Анда, кыргызстандык спортчу Түркиянын спортчусун ишенимдүү жеңип, коло медаль үчүн күрөшүү укугун алды.
Чечүүчү таймашта Мавлонов Өзбекстандык атаандашына карата артыкчылыгын көрсөтүп, ишенимдүү жеңишке жетти. Ошентип, Азамат Мавлонов Сурдлимпиада оюндарынын үч жолку байге ээси болду.
