Сот системасындагы коррупцияны жоюу боюнча тергөө жана ыкчам иш-чаралардын жүрүшүндө мурда судья кызматын ээлеген жактоочу кармалды. Бул тууралуу УКМК билдирди.
Алсак, шектүү баштапкы этапта жабырлануучу тараптан ишти оң жагына чечип берем деп 25 миң АКШ доллар каражатын алган. Бирок, алынган сумма менен чектелбестен, ал дагы 7 миң АКШ долларын талап кылууну улантып, баш тарткан учурда өзүнүн административдик мүмкүнчүлүктөрүн колдонуп, соттун чечимин каршылаш тараптын пайдасына каратып коюу менен коркуткан.
Натыйжада жактоочу талап кылынган сумманын бир бөлүгүн 437 500 сомду (5 000 АКШ долларына барабар) алып жаткан учурда кармалды.
Шектүү 2 айга камакка алынып, бул ишке тиешеси бар башка жарандар териштирилүүдө.
