Бишкекте уурулукка шектелип 18 жаштагы кыз кармалды.
Биринчи май РИИБден билдиришкендей, 5-апрелде жаран арыз менен кайрылган. Арызында 3-апрелде түндө Рыскулов көчөсүндөгү үйлөрдүн биринен 90 миң сомдук «Самсунг» уюлдук телефонун, 210 миң сомдук акчасын жана 404 миң 890 сомдук якут бриллианттарын уурдап кетишкен белгисиз адамдарга карата чара көрүү өтүнүчү менен кайрылган.
Кылмыш-жаза кодексинин 205-беренеси («Уурулук») менен кылмыш иши козголуп, 2005-жылы туулган К.Э. кармалып, тергөө кызматына жеткирилген.
Анын ушул сыяктуу башка кылмыштарга катыштыгы текшерилип, тергөө амалдары уланууда.
