Чаткал районунун Каныш-Кыя айылында заманбап калкты тейлөө борбору (ЦОН) даярдалды. Райондук маданият үйүнүн имаратынын бир бөлүгү оңдоп-түзөөдөн өткөрүлүп, пайдаланууга берүү алдында турат. Бул тууралуу Жалал-Абаддагы өкүлчүлүгүнүн басма сөз кызматы билдирди.
Маалыматка ылайык, мекемеге жергиликтүү бюджеттен 2,5 млн сом акча каражаты жумшалган. Алдыда КРнын Өкмөтүнө караштуу Мамлекеттик каттоо кызматынын алдындагы «Инфоком» мамлекеттик ишканасы тарабынан ички жабдыктары жана штаттык бирдиктери чечилүүсү менен ишке кирет.
Тейлөө борбору ачылса райондун 31 миңден ашуун калкына ыкчам кызмат көрсөтүлөт.
