2 миллион 324 миң сомдук радарды тебелеп качып кеткен айдоочу кармалды. Бул тууралуу ЖКККББ нын маалымат кызматы билдирди.
Маалыматка ылайык, окуя кечээ, 15-апрелде саат 15:30дар чамасында Кемин районунун Бообек айылында болгон.
«Бишкек — Нарын — Торугарт унаа жолунун 90-чакырымында Lexus LX 470 үлгүсүндөгү унаанын айдоочусу «Автопатруль-Радар» аппараттык-программалык комплексин тебелеп качып кеткен. Айдоочу изи сууй электе кармалды. Уучурда унаа айып короого киргизилип, тергөө бөлүмүнө өткөрүлүп берилди. «Автопатруль-Радардын» наркы 2 миллион 324 миң 477 сомду түзөт», — деп жазылат маалыматта.
