Акмоло облусунун Есил шаарында 6 жаштагы баланы айдоочу сүзүп кетип, ооруканага жаткырылган. Бул тууралуу Спутник Казакстан жазып чыкты.
Маалыматка ылайык, саат 16:30да аймактык оорукананын фельдшери Есил райондук ички иштер бөлүмүнө телефон чалып, Мичурин көчөсүндө болгон кырсык тууралуу билдирген.
«Есилдин 20 жаштагы тургуну артка бурулуп бара жатып 6 жаштагы баланы сүзүп алган. Бала ооруканага жеткирилди. Айдоочу мас эмес болчу. Унаа унаа токтотуучу жайга токтотулган», — деп айтылат маалыматта.
Учурда сотко чейинки иликтөө иштери жүргүзүлүүдө.
