29 жаштагы кыргызстандык аял Москвадагы метролордун биринен көз жарды. Бул тууралуу видео Россиянын Телеграм-каналдарынын биринде жарыяланган.
Маалыматка ылайык, полиция кызматкерлери Москвадагы “Электрозаводская” станциясында төрөттү кабыл алышкан.
«Полиция кызматкерлери кош бойлуу аялдын эскалаторго отура баштаганын байкаган. Көрсө, анын толгоосу башталган. Полиция тез жардам кызматын чакырган, бирок төрөт алар келгенге чейин башталган. Улук сержант Алеся Полякова ымыркайды ошол жерден төрөтүп алган. Ымыркай термо жуурканга орошкон. Келген дарыгерлер полиция баарын туура жасагандыгын белгилешти. Ымыркай менен эненин ден-соолугу жакшы», – деп айтылат видеодо.
Метродо төрөгөн келин 29 жаштагы Үпөл Курманова ал кыргызстандык экени такталды.
