Мамэкотехинспекциянын Кара-Суу райондук экологиялык көзөмөлдөө боюнча инспекциясынын ага инспектору кармалды. Бул тууралуу УКМКнын басма сөз кызматы билдирди.
Маалыматка ылайык, Экологиялык жана техникалык коопсуздук боюнча мамлекеттик инспекциясынын Кара-Суу райондук экологиялык көзөмөл боюнча инспектору тарабынан опузалап акча талап кылуу фактысы аныкталды.
Кара-Суу райондук экологиялык көзөмөл боюнча инспектору Кыргыз жаранынан 30 миң сом акча каражатын опузалап талап кылган.
Бул факты боюнча Кылмыш-жаза кодексинин 343-беренесинин 1-бөлүгү (Опузалап пара алуу) боюнча кылмыш иши козголгон.
Ушул жылдын 3-мартында акча каражатын алып жаткан жеринен Кара Суу райондук экологиялык көзөмөл боюнча инспектору М.у.Ч кармалып, Кылмыш-жаза процессуалдык кодексинин 98- беренесине ылайык УКМК тергөө камак жайынын убактылуу кармоочу жайына киргизилди.
Учурда тиешелүү тергөө иш-чаралары жүргүзүлүүдө.
