Биринчи районунун Мурас-Ордо конушунда 13 жашар баланы уурулар мууздап кетишти. Бул тууралуу айыл тургундары редакцияга билдиришти.
Алардын айтымында, конушта 2 айдан бери уурулар күч алган.
«Бүгүн уурулар турак үйлөрдүн бирине ууруга киришсе эки жаш бала болгон. Алар ууруларга каршылык көрсөткөндө алар балдардын кичүүсүн мууздап, качып кетишкен. Алардын артынан улуу байкеси кууп чыккан, азыр ал дагы дайынсыз болуп жатат. Учурда Мурас-Ордо конушунун тургундары жалпы издөөгө СЭЗ Бишкек жака топтолуп, жапа тырмак издөөгө алышты. Алардын бири үй ээсинин сөйкөсүн таап алышыптыр», — деп билдирди тургун.
