Кечээ 1- апрелде ТҮРКСОЙдун баш катчысы Султан Раев эмгек жамаатка тааныштырылды. Бул тууралуу Маданият, маалымат, спорт жана жаштар саясаты министрлигинин маалымат кызматы билдирди.
Маалыматка ылайык, ага Маданият, маалымат, спорт жана жаштар саясаты министри Азамат Жаманкулов, КРнын Түркиядагы элчиси Кубанычбек Өмүралиев жана Дүйсен Касеинов жана эмгек жамаат катышты.
Жаңы кызмат ордуна бекиген башкы катчы Султан Раевге ишине ийгилик каалап, түрк дүйнөсүнүн маданий мурастарын жайылтууда жигердүү иш алып баруусун каалашты.
Эске салсак, Султан Раев 31- март күнү Бурса шаарында өткөн ТҮРКСОЙ уюмуна мүчө мамлекеттердин маданият министрлеринин кезексиз жыйынында бир добуштан колдоого алынып, ТҮРКСОЙ уюмунун баш катчысы болуп бекиген.
