Троллейбус башкармалыгы айдоочулар айлык маянаны 60-70 миң сомго чейин көтөрүүнү талап кылгандыгын билдирди. Учурда айлык орточо эсеп менен 22 миң сом.
Сентябрдан тарта эмгек акы 50 миң сомго чейин көтөрүлөрүн Бишкек троллейбус башкармалыгынын директору Талантбек Капаров билдирди.
Айдоочулардын жарымы мындай чечимге макул эместигин айтып, жумуштан кетүү арызын жазган.
«Айрымдары 60-70 миң сомго чейин көтөрүү керек деп макул болбой жатышат. Бирок ишканада мындай мүмкүнчүлүк жок. Алардын айлыгын эки эсеге жакын көтөрүп жатабыз»,-деди Капаров
