Сузакта дайынсыз болуп жаткан келин балдары менен табылды. Бул тууралуу Жалал-Абад ОИИБдин Басма сөз кызматы билдирди.
Маалыматка ылайык, Сузак районунун тургуну 1991-жылы туулган Аттокур кызы Канзаада 3 баласы менен 2021-жылдын 15-январь күнү Сузак районунун Жыгач-Коргон айылындагы үйүнөн чыгып кеткен бойдон дайынсыз болуп жаткандыгы тууралуу маалымат кече 9-февралда ЖМКлар аркылуу таратылган.
Бул маалымат жарыялангандан кийин кайдыгер эмес жарандар тарабынан милицияга маалыматтар берилген жана келин өзүнүн атасынын үйүнө кайтып келген. Келин менен милиция кызматкерлери сүйлөшкөн учурда Ош шаарына эжесинин үйүнө кетип калгандыгын жана эч кимге арыз доосу жоктугун билдирген.
