«Атам ичип келип апамды урбаса экен дечүмүн», — дейт белгилүү алып баруучу Нурзат Токтосунова балалыгын эске алып. Бул тууралуу ал өзүнүн Facebook баракчасына жазып чыккан.
«Бала кезиңде эмне жөнүндө кыялданчу элең7″, — дешет. Мен атам ичип келип апамды урбаса экен дечүмүн. Же мал жоголуп кетпесе экен деп, Кудайдан суранчумун. Капкара түндөрү көчөдө жоголгон уйду издеп жүрүп, караңгылыктан же балдардан эмес, үйдөгү уруштан коркоор элем… Жашоодо ар нерсе болот. Бала үчүн эненин ыйынан ашкан бактысыздык жок. Өзүңөрдү аягыла энелер»,- деп жазган.
