Бүгүн, 10-февралда Бишкек мэринин милдетин аткаруучу болуп дайындалган Бактыбек Кудайбергенов жамаатка тааныштырылууда. Бул тууралуу мэриянын басма сөз кызматынан кабарлашты.
Бактыбек Кудайбергеновду убактылуу мэр кылуу чечимге премьер-министр Улукбек Марипов кол койгон.
Бактыбек Кудайбергенов буга чейин өкмөттүн Чүй облусундагы өкүлү, Ысык-Ата районунун акими болуп иштеген.
Кечээ, 9-февралда Бишкек мэриясына Эрмек Нургазиев жетекчи болгондугу кабарланган. Кийинчерээк президент Садыр Жапаров Нургазиевдин мэр болуп келишине каршы пикирин социалдык тармактагы баракчасына жазган.
