Кара-Кулжа-Алайку унаа жолунда Мерседес үлгүсүндөгү автоунааны кар көчкү сүрүп кетти. Бул тууралуу ӨКМнин басма сөз кызматы билдирди.
Ош облусу Кара-Кулжа районунда 2021-жылдын 9-февраль күнү саат 15:30 чамасында Кара-Кулжа-Алайкуу унаа жолунун 105-106-чакырым аралыгында (Терек-Чаты тилкеси) болжол менен 3000 м3 кар көчкү түшүп, жол боюнда токтоп турган Мерседес үлгүсүндөгү оор жүк ташуучу унааны кар көчкү сүрүп кеткен. Унаанын айдоочусу 1990-жылы туулган жеңил жаракат алып. Шок абалда болуп калгандыгы үчүн жергиликтүү тургундардын жардамы менен Кызыл-Жар айыл аймактык ооруканага жеткирилген. Абалы жакшы.
Тазалоо иштерине №26 ЖТИден 2 бульдозер жана 1 грейдер тартылып. Тартылган техниканын жардамында саат 21:00дө унаа жол бир изге ачылып, тазалоо иштери токтотулган. 10-февраль күнү жолду кеңейтип тазалоо иштери улантылат.
Кар көчкү түшүү коркунучу сакталгандыгына байланыштуу, Кара-Кулжа райондук мамлекеттик администрациясынын башчысынын 2020-жылдын 14-декабрындагы №44-буйругунун негизинде “Мырзаке-Кара-Кулжа-Алайку” мамлекеттик маанидеги унаа жолу, кечки саат 18:00дөн тартып эртең мененки саат 08:00гө чейин унаалардын бардык түрүнө убактылуу чектөө киргизилген.
