Аксыда 27 үйдү суу каптады. Бул тууралуу ӨКМнин басма сөз кызматы билдирди.
Маалыматка ылайык, Аксы районунда 2021-жылдын 8-февраль күнү жааган жамгырдын жана эриген кардын суулары топтолуп, Кербен шаарынын Шопоков көчөсүндө жайгашкан 4 турак үйдүн короо-жайларын, Умөталиев көчөсүндө 1 турак үйдүн чарбагын жана Күлүк-Дөбө айылында жайгашкан 27 турак үйдүн чарба курулуштарын, чарбактарын суу каптаган.
Тазалоо иштерине КР ӨКМнин Аксы райондук №70 Өрткө каршы куткаруу бөлүгүнөн 7 куткаруучу, жергиликтүү тургундардан 20 адам, мэриядан 1 жүктөгүч тартылган.
Тарылган күчтөрдүн жардамында суу каптаган үйдүн мал сарайынын ичиндеги жана короодогу суулар мотопомпанын жардамы менен сордуруп чыгарылды.
