11-февралда Ош шаарында эки окуучу бычакталып алардын бири каза болгон. Аталган окуя боюнча бүгүн, 12-февралда Ош ШИИБи бул окуя боюнча кененирээк маалымат таратты.
«Шектүү катары 3 бала кармалды. Алардын баары мектепти окубай таштап салышкан. Буга чейин баланы бычактаганы кармалса, азыр анын жанындагы экөө кармалды. Алар 2006-жылы туулган У. Б. жана 2005-жылы туулган Б. у. Н. Балдар Бишкек шаарынын Дордой конушунун жашоочулары. Ош шаарына келгенине беш күн болгон. Үчөө тең 48 саатка убактылуу кармоочу жайга киргизилди. Тергөө иштеринин жүрүшундө аныкталган жаны жагдайлар болсо, кошумча маалымат беребиз», — деди басма сөз кызмтынан.
Буга чейин шектүүлөрдүн бири милициянын кайгуул кызматынын унаасына чыгып алып бийлеп жаткан видеосу тарады.
