Маданият, маалымат, спорт жана жаштар саясаты министрлиги жыл жыйыныгын чыгарып кеңейтилген курамда коллегия өткөрдү. Бул тууралуу аталган мекеменин басма сөз кызматты маалымдады. . Коллегияны Маданият, маалымат, спорт жана жаштар саясаты министри Кайрат Иманалиев ачып, 2020- жыл ичинде жасалган иш аракеттер жана 2021 – жылы жасала турган приоритеттүү багыттарга токтолду.Кеңейтилген коллегияга Кыргыз Республикасынын Президентинин Аппаратынын, Кыргыз Республикасынын Жогорку Кеңешинин, Кыргыз Республикасынын Өкмөтүнүн Аппарынын өкүлдөрү, министрликтин борбордук аппараты, түзүмдүк жана аймактык бөлүмдөр, мекеме жетекчилери, өлкө сыймыгы болгон маданият жана спорт тармагынын көрүнүктүү өкүлдөрү катышты. Анда 2020- жылы дүйнө жүзүн каптаган короноврус инфекциясынын улам бир катар маданият иш- чаралар өтпөй калгандыгы айтылып, бирок ага карабастан, Министрлик бир катар иш-чараларды онлайн форматта өткөрүп, маданий иш-чаралардын деңгээли жана сапаты түшкөн жоктугу айтылды. Пандемия шартында маданий мекемелер карантинге жабылганы менен кесиптик искусствону өнүктүрүү, китепкана, музей, театр, тарыхый маданий мурастар жана эл аралык байланыштар тармагынын иштери онлайн жана аралыкта үзгүлтүксүз иш алып баргандыгы баса белгиленди.