Экс-президент Сооронбай Жээнбеков үй-бүлөсү менен Кыргызстанга кайтып келди. Бул тууралуу экс-президенттин жакындары кабарлашты.
Жээнбеков өткөн дем алыш күнү Бишкектен Умра ибадатын аткаруу үчүн Меккеге кичи ажылыкка учуп кеткен.
Экс-президенттин пресс-катчысы Толгонай Стамалиева Сооронбай Жээнбеков тууралуу: «Экс-президент Сооронбай Жээнбеков Сауд Аравиясынын Королунун чакыруусу менен баратат», — деген пикирин билдирген.
Эске салсак, Сооронбай Жээнбеков 2020-жылдын 15-октябрында башаламандыктан улам кызматтан кетүүгө аргасыз болгон.
