Кечээ, 14-февраль күнү Сокулук РИИБнө жергиликтүү жашоочулардан Сокулук айылындагы батирлердин биринде белгисиз адамдар жүргөндүгү тууралуу малымат келип түшкөн. Бул тууралуу аталган мекеменин басма сөз кызматты билдирди.
Маалым болгондой , аталган маалымат боюнча дароо ычкам тергөө тобу чыгып, аталган дарекке барганда 1983-жылы туулган А.Н., шектүү жаран үйдүн ээсине каракчылык көрсөтүп жаткан жеринен дароо кармалган. Бул факты кылмыштардын жана жоруктардын бирдиктүү реестрине Кыргыз Республикасынын Жазык кодексинин 202-беренеси (Каракчылык) боюнча катталган.
Алдына ала текшерүү маалдында шектүү адам уурулук кылуу максатында көрсөтүлгөн дарекке кирген, бирок үйдүн ээсине жолугуп, аны уур токмокко алып акча талап кылып аткан кезде, милиция кызматкерлери тарабынан кармалган.
Учурда шектүү убактылуу кармоочу жайга каммакка алынып, бардык керектелүүчү экспертизалар дайындалды. Тергөө иш амалдары улантылууда.
