Индиялык IndiGo авиакомпаниясынын жүргүнчүсү учуп бараткан учактын авариялык эшигин ачып, андан секирүүгө аракет кылган. Бул тууралуу The New York Post басылмасы билдирди.
Маалыматка ылайык, окуя Индияда Гувахатиден Агарталага учуп бараткан учакта болгон. Учуу учурунда 41 жаштагы Бисважит Дебнатх капыстан туруп, авариялык эшикти ачууга барган. Муну көргөн жүргүнчүлөр менен экипаж мүчөлөрү аны токтотууга шашылышкан, бирок ал каршылык көрсөткөн. Жүргүнчүлөр стюардессаларга учак аман-эсен конгонго чейин аны кармап турууга жардам беришкен. Көздөгөн жерине жеткенде ал индиялык полиция тарабынан кармалган.
Дебнатх көптөн бери депрессия менен күрөшүп жүргөн. Ал учактагы 180ден ашык жүргүнчүнү коркунучка алып, экипаж мүчөлөрүнө кол салган деп айыпталууда.
