«Күрмөнтүцемент» ААКсынын 93,17% акциясы Министрлер Кабинетинекараштуу Мамлекеттик мүлктү башкаруу боюнча мамлекеттик агенттикке өткөрүлдү. Бул тууралуу УКМКдан билдиришти.
Маалыматка ылайык, уюшкан кылмыштуулукка каршы күрөшүү боюнча мамлекеттик саясатты ишке ашыруунун алкагында, УКМК тарабынан Камчы Көлбаевдин уюшкан кылмыштуу тобунун кылмыштуу кирешелерин легалдаштыруу (адалдоо) боюнча бир катар кылмыш иштерин иликтөөнү улантылууда.
Тергөөдө, Көлбаев жасалма жана жеке компаниялар аркылуу, Ысык-Көл облусундагы эң ири өндүрүш ишканасынын – мурда жогорку сорттогу цемент чыгарган — Күрмөнтү цемент заводунун ишин көзөмөлгө алгандыгы аныкталды. «Күрмөнтүцемент» ААКны мындан ары төмөндөтүлгөн рыноктук баада жеке менчикке өткөрүү максатында, кримтөбөл тарабынан адамдар өндүрүштүк ишкананын банкрот болушуна жасалма шарттарды түзүшкөн.
