Газа тилкесинен Египет аркылуу Кыргыз Республикасынын эки жараны эвакуацияланды. Бул тууралуу ТИМден билдиришти.
“24-ноябрда Газа тилкесинен Египет аркылуу Каир-Москва маршруту менен Кыргыз Республикасынын эки жараны эвакуацияланды.
Орусиянын өкмөтү тарабынан уюштурулган эвакуация рейси Москва шаарына келгенде Кыргыз Республикасынын жарандарын Кыргызстандын Москва шаарындагы элчилигинин кызматкерлери тосуп алып, мейманканага жайгаштырышкан” – деп айтылат маалыматта.
Кыргыз тарап Россияга көрсөткөн жардамы үчүн ыраазычылык билдирет.
