Аталган мыйзам долбоорду ички иштер министрлиги сунуштады. Ал Жогорку Кеңештин сайтына жарыяланды.
Документте “видеокаттоо менен жабдуу боюнча милдет менчигинин түрүнө карабастан транспорт каражаттарынын ээлерине жүктөлөт. Эрежеге баш ийбегендер 1000 сом айып пул төлөйт”, — деп жазылган.
Эгер мыйзам кабыл алынса 2025-жылдын 1-январынан тарта күчүнө кирет. Видеокаттагычты айдоочулар сатып алууга милдеттендирилет.
Мыйзам долбоору жол кырсыктарын азайтуу боюнча иш-чаралардын негизинде иштелип чыккан.
