Кечээ, 26-декабрда УКМК 40 күрөөкананы текшерип чыгып, бир нечесинин ээлеринин видеосун жарыялады. Анда алар пайыздык үстөктөрдү төмөндөтүүнү чечкенин, ошондой эле өлкө жетекчилигинин саясатын колдой турганын айтышкан.
«Чүй облусундагы күрөөканалар үстөк пайызын бардык айып пулдарды кошкондо 20%дан көбөйтпөй турганын убадалады» — деп айтылат маалыматта.
Буга чейин Камчыбек Ташиев өлкөдөгү күрөөканалардын ишмердүүлүгүн текшерүү керектигин белгилеген. Анын айтымында, кызматты колдонгон карапайым эл жабыркап жатат. УКМК жетекчиси бардык күрөөкана үстөк пайызын 30%дан ашырбашы керектигин билдирген.
