Камчы Асанбектин уюшкан кылмыштуу тобу тарабынан мыйзамсыз түрдө алынган «Каракол» мамлекеттик жаратылыш паркы мамлекеттин балансына кайтарылды. Бул тууралуу УКМКдан билдиришти.
«Каракол лыжа базасынын жанындагы престиждүү аймакта жайгашкан базар баасы болжол менен 10 миллион сомго барабар болгон 2 гектар жер тилкеси табылып, Каракол мамлекеттик жаратылыш паркынын балансына кайтарылды. Аталган жер участогуна лыжа туристтик базасын куруу пландаштырышкан, бул уюшкан кылмыштуу топко олуттуу суммадагы каражат алып келмек»,- деп берилет маалыматта.
УКМК Көлбаевдин жана анын кылмыштуу тобунун мүлкүн издөө, мамлекетке кайтаруу боюнча иштер уланып жатканын кошумчалады.
