Эми «Кыргызстан» фракциясына Бейшеналы Нурдинов лидерлик кылат. Бул тууралуу фракциядан билдиришти.
Маалыматка ылайык, мурдакы лидери Нурбек Алимбековдун ордуна Бейшеналы Нурдинов шайланды.
«Нурдиновду он сегиз депутаттын он экиси колдоп берди. Нурбек Алимбеков Айыл чарбасы боюнча парламенттик комитетин жетектейт. Мыйзам боюнча бир эле маалда фракцияны да жетектей албайт. Нурбек Алимбековдун айтымында, ал кесиптештеринин тандоосуна макул, бирок лидерликке Канат Исаев татыктуу экенин билдирди», — деп берилет маалыматта.
Фракцияда лидер алмашканы боюнча Канатбек Исаев комментарий бере элек.
