Бүгүн, 24-ноябрда УКМК төрагасы Камчыбек Ташиев ИИМдин Сузак райондук бөлүмүнүн жаңыланган имаратынын ачылыш аземине катышты. Аземге ИИМ Министринин орун басары, ардагерлери жана өздүк курамы да катышты.
Сузак райондук милициясында жаңы администартивдик имарат, спорт залы, ашканасы, унаа токтотуучу жайлары курулган жана башка тийиштүү заманбап шарттар толугу менен түзүлдү. Мындан сырткары, райондук бөлүмдүн алдына жарандар үчүн аллея да курулду.
Камчыбек Ташиев жаңыланган имаратты көрүп чыгып, кызматкерлерге мындан ары да татыктуу кызмат кылууга, эң негизгиси – мыйзамдуулукту так сактоону эскертти.
Ошондой эле, Камчыбек Ташиев Президент Садыр Жапаровдун Сузак райондук милициясына белек кылган 5 даана жаңы автоунаалардын ачкычтарын тапшырды.
