Кытайда каза болгон кыргызстандыктын сөөгү төрт айдан кийин жерге берилди. Бул тууралуу Жалал-Абаддагы «Адилет» укук коргоо уюму билдирди.
Анын айтымында, 2020-жылы 22-ноябрда Кытайда каза болгон Э.Кенжибаевдин кичи мекени Жалал-Абадда жерге берилди.
Эскерте кетсек, буга чейин маркумдун кызы Кытайдан атасынын сөөгүн ташуу үчүн дээрлик 13,5 миң доллар которгонун билдирген. Бирок маселе көпкө чейин чечилбей келген. Ал «Адилет» уюмуна жардам сурап кайрылган.
Бир нече убакыт өткөндөн кийин, Тышкы иштер министрлигинин консулдук кызматынын департаменти Кытайдан кыргызстандыктын сөөгүн алып өтүүгө тоскоол болгон кыйынчылыктар жөнүндө билдирген.
Маалыматка ылайык, 27-мартта 58 жаштагы Кенжибаевдин сөөгүн мекенине алынып келинип, атасынын бейитинин жанына коюлду.
