Премьер-министр Улукбек Марипов Саламаттыкты сактоо министрлиги түзгөн кезектин негизинде коронавируска каршы эмдөөдөн өтөт. Бул тууралуу министрлер кабинетинин басма сөз кызматы жергиликтүү маалымат булактарына билдирген.
Алардын айтымында, өкмөт өлкөнүн бардык жарандары менен биргеликте коронавирус илдетине каршы вакцина алуу керек деп эсептейт. Вакцинациянын биринчи этабында буга чейин илдетке чалдыкпагандар каралган.
«Премьер-министрдин айтымында, алгач коронавирус илдетине кабылган жарандар менен бетме-бет кармашкан медициналык кызматкерлер, аскер кызматкерлери, мугалимдер вакцинаны биринчи кезекте алышы керек. Ошондой эле Улукбек Марипов буга чейин коронавирус илдети менен ооруп айыккан. Ошондуктан, дарыгерлердин баамында, өкмөттүн иммунитети өлкөнүн бардык жарандары эмделгенден кийин өтүү мүмкүнчүлүгү бар», — деп берилет маалыматта.
