Өзбекстанда жашы жете электерге атайын уруксаты жок диний билим берүү үчүн кылмыш жоопкерчилиги киргизилет. Бул тууралуу Lex.uz. басылмасы жазды.
Мыйзам долбооруна ылайык, мындай иш-аракет үчүн 1,3 миң — 2,6 миң доллар айып пул, 360 саатка чейин коомдук иштер, үч жылга чейин түзөтүү иштери, эркиндигин чектөө же камак жазасы каралууда. Ошондой эле жеке тартипте диний билим берүү да кылмыш катары эсептелет.
Азыркы учурда мындай мыйзам бузуу үчүн 165 – 329 доллар айып пул же 15 суткага чейин административдик камак жазасы колдонулат.
