Бишкектеги Ахунбаев көчөсүнүн 7-Апрель көчөсүнөн — Жукеев-Пудовкин көчөсүнө чейинки, узундугу 1,7 чакырымды түзгөн бөлүгү толугу менен пайдаланууга берилди. Бул тууралуу Бишкек мэриясынан кабарлашты.
Маалыматка ылайык, аталган жол бөлүгүндө төмөнкү иштер аткарылган:
– эки катмар асфальт төшөлдү;
– жаңы жол белгилери орнотулду;
– жол чийиндери чийилди;
– жол боюндагы бордюрлар жаңыртылды.
Жогоруда аталган оңдоп-түзөө иштери транспорт агымын жакшыртууга жана шаардагы жол кыймылынын коопсуздугун жогорулатууга багытталган.
Мэрия шаар тургундарын жана конокторун жаңыланган жол тилкелеринде жол кыймылынын эрежелерин так сактоого чакырат.
