Францияда профсоюздар күнүнүн алкагында уюштурулган нааразылык акциясына 195 миң адам катышты. Бул тууралуу чет элдик басылмалар билдирет.
Ага ылайык, нааразылык акциясына катышкандардын талаптары өкмөттүн экономикалык катаал чараларына каршы багытталган.
ИИМ маалыматына караганда, бул ирет демонстранттардын саны кыйла аз болгон, министрликтин эсеби боюнча, 18-сентябрдагы нааразылык акциясында Франциянын шаарларынын көчөлөрүнө 505 миң адам чыккан, анын 55 миңи Парижде болгонун белгилешет.
Франциянын ички иштер министри Бруно Ретайлонун айтымында, нааразылык акциялары учурунда тартипти сактоо үчүн 76 миң полиция кызматкери тартылган.
