Кыргызстанда 9 айда 3 621 жаранга ипотекалык батир берилди. Бул тууралуу президент Садыр Жапаров Сузак районунун Багыш айыл аймагындагы “Асман-Резиденс-4” көп кабаттуу турак жай комплексиндеги батирлерди тапшыруу салтанатында билдирди.
Өлкө башчысынын айтымында, «Мамлекеттик ипотекалык компания» ААК өлкөнүн мамлекеттик турак жай саясатынын борбордук институтуна жана жеңилдетилген ипотекалык батирлерди тапшыруу механизмдерин өнүктүрүүнүн негизине айланды.
«Акыркы маалыматтар боюнча, 2025-жылдын 9 айында үйгө муктаж болуп, кезекке турган жана үлүштүк курулуш механизми менен 50 пайызын берген 3 621 жаранга батир берилди», — деди Садыр Жапаров.
