Соцтармактарда караңгыда өзүнө жарык берип жол шыпырган кызматкердин видеосу тарап, коомчулуктун талкуусунда калган. Бул тууралуу «Тазалыктын» директору Жолдош Чуштуков комментарий берди.
«Тазалыктын» кызматкерлери чоң көчөлөрдө түнкү саат үчтө, кичирээктеринде саат алтыда ишке чыгат. Ар бирине маяктарды алып бергенбиз. Алар кызыл-көк болуп жанып, ошол эле учурда жарык да берет. Караңгыда коопсуздукту сактоо үчүн атайын жарык чагылдыруучу кийим менен камсыздайбыз. Азыр свет өчүрүлгөндүктөн, маяктын фонариктери менен иштеп жатышат. Фонарик алып берүүнү сунуштап жатышат. Өзүбүз да акча бөлүп, ар бир көчө шыпырган кызматкерге фонарик алып берүүнү пландап жатабыз. Арга жок, фонарик менен иштөөгө туура келүүдө. Себеби эл жумушка чыккыча шыпырып коюу зарыл», — деди ал.
Посмотреть эту публикацию в Instagram
