Россия Федерациясынын Айыл чарба экспортун өнүктүрүү боюнча федералдык борборунун (Агроэкспорт) маалыматы боюнча Кыргызстан россиялык макарон азыктарын эң ири импорттоочу он өлкөнүн катарында калууда.
Белгиленгендей, 2025-жылдын тогуз айында Орусия 154 миллион долларлык 100 миң тоннадан ашык макарон экспорттогон. Бул өткөн жылдын ушул мезгилине салыштырмалуу 21 пайызга көп.
Макарон азыктарын эң ири импорттоочулар салттуу түрдө коңшу өлкөлөр болуп саналат. Алдыңкы он өлкөнүн катарына Беларусь, Казакстан, Өзбекстан, Грузия, Азербайжан, Түркмөнстан, Армения, Кыргызстан, Тажикстан жана Монголия кирген.
