Аламүдүндө мыйзамсыз курулуштар аныкталып, 400 миң сом айып салынды. Бул тууралуу Курулуш, архитектура жана турак жай-коммуналдык чарба министрлиги билдирет.
Текшерүүнүн жүрүшүндө аталган объектилерде талапка ылайык долбоордук-уруксат берүүчү документтердин жоктугу, ошондой эле компетенттүү органдар менен зарыл болгон макулдашуулары жок экендиги аныкталган.
Административдик чаралар көрүлүп, эки ЖЧКнын ар бирине 200 миң сомдон, жалпы 400 миң сом өлчөмүндө айып пул салынды. Аныкталган бетон түйүндөрдүн иши мыйзам бузуулар толугу менен жоюлганга чейин токтотулду.
