Кытай улуттук орбиталык станциясына учкучсуз “Шэньчжоу-22” космос кемесин жөнөттү. Бул тууралуу Интерфакс маалымдайт.
Анда белгиленгендей, кеме станцияга барып, космостук таштандыга урунуудан жабыркаган “Шэньчжоу-20” кемесин алмаштырат. Адистердин айтуусу боюнча, мурунку кеменин иллюминаторунда майда жаракалар пайда болгон.
“Шэньчжоу-22” ошондой эле азыр станцияда иштеп жаткан үч космонавтты 2026-жылы Жерге кайтаруу максатында жиберилген. Алар — Чжан Лу, У Фэй жана Чжан Хунчжан. 31-октябрда “Шэньчжоу-21” менен келишкен жана орбитада болжол менен алты айдай болушат.
