2026-жылы 12-февралда күрөө мүлкүн тартып алуу жана тиешелүү уруксаттарсыз каржылык ишмердүүлүктү жүргүзүү максатында негизсиз жогорку пайыздык чендер менен насыя берген жараны кармалды. Бул тууралуу УКМКнын басма сөз кызматы билдирет.
Маалыматка ылайык, кармалган А.А.Т. оор материалдык абалда турган жарандарга мыйзамсыз түрдө карыз берип, анын негизинде кыймылсыз мүлк объектилерин күрөөгө алуу аркылуу, ири көлөмдө пайда таап келген.
Тинтүү учурунда онго жакын мүлккө тиешелүү документтер, ошондой эле мыйзам талаптарын бузуу менен сакталган “Байкал” жылмакай стволдуу куралы жана ок-дарылары алынды.
Кармалган тергөө абагына жеткирилди.
Учурда тергөө иш-чаралары жүргүүдө.
