Баткен облусунун Баткен шаарындагы “Баткен Таңы” редакциясынын имараты жеке менчикке мыйзамсыз өткөрүлүп кеткен. Бул тууралуу УКМКнын басма сөз кызматы билдирди.
Маалыматка ылайык, 2010-жылдын январь айында объекттин стратегиялык маанисине карабастан, Мамлекеттик мүлк министрлиги тарабынан мыйзамдык актыдагы жоболорго каршы 0,22 гектар жер тилкеси сатылып кеткен.
Кылмыштардын бирдиктүү реестринин маалымат журналына Автоматташтырылган маалымат системасына катталган материалдардын алкагында жүргүзүлгөн ыкчам-иликтөө иш-чараларынын натыйжасында объект мамлекеттик баланска өткөрүлгөн.
