Жогорку Кеңешке төрт жаңы депутат келет. Мындай чечимди Борбордук шайлоо комиссиясы бүгүнкү жыйынында кабыл алды.
Кечээ Элдар Сулайманов депутаттык мандатын тапшырган. Анын ордуна Жогорку Кеңешке №5 Аксы көп мандаттуу шайлоо округунан Азизбек Абдуллаев депутат болуп келмекчи.
Ошондой эле БШК №13 округдан үч депутат: Айбек Алтынбеков, Талант Мамытов, Айгүл Карабекованы каттады. Эми аларга белгиленген үлгүдөгү ырастама жана төш белги берилет.
Эскерте кетсек, БШК төрагасы Тынчтык Шайназаров кайра дайындалган шайлоого 25 талапкер катталганын, алардын 300 миң сомдук төгүмү кайтарыларын билдирген.
