Кошумча бак орнотуу менен күйүүчү май ташыган 37 унаа айып короо жайына киргизилди. Бул тууралуу ЖКККББнын басма сөз кызматы билдирет.
Маалыматка ылайык, унаалардын көпчүлүгү жол тандабас унаалар.
«Унаасына кошумча күйүүчү май куйуучу бактарды орнотуп, Казакстан өлкөсүнөн Кыргызстанга күйүүчү май ташып келип, жол жээктеринде мыйзамсыз сатып жаткан 37 айдоочуну кармашты.
Айдоочуларга 5500 сомдон айып салынып, мыйзамсыз жабдылган кошумча бактарын чечмейин унаалар айып короодон чыгарылбайт», — делет маалыматта.
