Кыргыз Республикасынын Стамбул шаарындагы Башкы консулдугунун имараты толугу менен оңдоп-түзөөдөн өткөрүлүп, бардык эмеректери жаңыланды. Бул тууралуу Башкы консулдуктун басма сөз кызматы билдирди.
Маалыматка ылайык, жарандарга сапаттуу жана ыңгайлуу консулдук кызмат көрсөтүү үчүн түзүлгөн шарттар кыйла жакшыртылып, эне жана бала бөлмөсү да уюштурулган.
“Тышкы иштер министри Жээнбек Кулубаев консулдукка келип, жүргүзүлгөн иштер менен таанышып, консулдуктун ишмердүүлүгүнө оң баасын берди жана мындан аркы ишмердүүлүгүнө ийгиликтерди каалады”, — деп берилет маалыматта.
Белгилей кетсек, имарат акыркы жолу 2014-жылы оңдоп-түзөөдөн өткөрүлгөн.
