Бүгүн Ош шаарынын мэри Жанарбек Акаев Улуу Британиянын Кыргызстандагы элчиси Николас Боулер менен жолугушту. Бул тууралуу Ош шаарынын мэриясынан билдиришти.
Жолугушуунун жүрүшүндө калаа башчысы Улуу Британиянын экспорттук-финансы агенттиги UKEF (UK Export Finance) менен өз ара пайдалуу кызматташтыкты өнүктүрүүгө кызыкдар экендигин билдирип, агенттиктин каржылык колдоосу аркылуу шаарды айланып өтүүчү заманбап айланма жолду куруу сунушун айтты.
Бул долбоор шаар ичиндеги транспорт агымын жөнгө салууга, жол тыгындарын азайтууга, транзиттик унаалардын кыймылын шаар сыртына багыттоого жана жалпы жол коопсуздугун жогорулатууга өбөлгө түзөрүн белгиледи.
