Бүгүн, 19-мартта Коопсуздук эрежелерин бузган “Бест Хаус гранд” ЖЧКсына 200 000 сом айып салынды. Бул тууралуу Курулуш министрлигинин басма сөз кызматы.
Бишкек шаарынын Малдыбаев көчөсү 269 дарегинде жүргүзүлүп жаткан курулуш объектисинде техникалык коопсуздук эрежелери сакталбай жаткандыгы тууралуу видео кайрылуу келип түшкөн.
Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаменти тарабынан көрсөтүлгөн дарек боюнча текшерүү жүргүзүлүп, ыкчам чаралар көрүлдү.
Натыйжада, курулуш объектисинде “Курулуштагы эмгекти коргоо жана коопсуздук” ченемдери бузулгандыгы аныкталып, “Бест Хаус гранд” ЖЧКсына карата протокол түзүлүп 200 000 сом өлчөмүндө айып пул салынды.
