Ата-энесинен ажыраган 10 баланын укуктары корголду. Бул тууралуу Башкы прокуратура маалымдайт.
«Кадамжай районунда эки жетим балага турак жай куруу үчүн жер тилкелер берилип, укук тастыктоочу документтери тапшырылды. Жети-Өгүз районунда жетим балага тиешелүү мыйзамсыз сатылып кеткен мурастык мүлкү кайтарылды.
Жалал-Абад облусунда жети өспүрүм баланын турак жай куруу үчүн жер тилкесин кезексиз алуу укуктары камсыздалып, аларга жер тилкелер жана батирлер берилип, тиешелүү документтер тапшырылды», — делет маалыматта.
